Արևմտյան Վրաստանի Սամտրեդիա քաղաքի մանկապարտեզներում երեխաներին տավարի մսի փոխարեն ձիու միս են կերակրել: Այս մասին ճեպազրույցում հայտարարել են ընդդիմադիր «Նոր Վրաստան» կուսակցության ներկայացուցիչները:
Սոցիալական ուղղվածություն ունեցող կուսակցության անդամ Թեոնա Չալիձեն պնդել է, որ մանկապարտեզներին ձիու մսի մատակարարումը տեղի է ունեցել նախորդ տարի: Լաբորատոր հետազոտությամբ մսի մեջ ձիու ԴՆԹ են հայտնաբերել:
Սամտրեդիայի քաղաքապետարանի նախադպրոցական կրթության ասոցիացիան հաստատել է տարածված տեղեկատվությունը։