Փետրվարի 1-ին, ժամը 18:36-ին «911» ծառայությանն ահազանգ է ստացվել, որ Երևան քաղաքի Մոնթե Մելքոնյան փողոցում տեղի է ունեցել ավտոպատահար՝ բախվել են ավտոմեքենաներ, առկա է վառելիքի արտահոսք. անհրաժեշտ է փրկարարների օգնությունը, տեղեկացնում են ԱԻՆ լրատվական ծառայությունից։
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Howo» մակնիշի բեռնատարը և «Volkswagen Golf 3» մակնիշի ավտոմեքենան:
Մինչ փրկարարների` կանչի վայր հասնելը «Volkswagen Golf 3»-ի վարորդը (Ն. Ս., ծնված 1996 թ.) հոսպիտալացվել է: Վերջինս հոսպիտալացման ճանապարհին մահացել է:
Փրկարարները հոսանքազրկել են «Volkswagen Golf 3» մակնիշի ավտոմեքենան և փակել գազի բալոնի փականը:
