Հրաձգություն է տեղի ունեցել ԱՄՆ-ի մայրաքաղաք Վաշինգտոնում։ Դեպքի հետևանքով մեկ մարդ է մահացել, ևս 5-ը վիրավոր են։ Այս մասին հաղորդում է ABC հեռուստաալիքը:
Դեպքի վայր են ժամանել շտապօգնության և ոստիկանության աշխատակիցները: Բոլոր վիրավորները տեղափոխվել են հիվանդանոց, նրանցից երկուսը ծանր վիճակում են:
«Հետաքննության ընթացքում պարզվել է, որ վեց մարդ հրազենային վնասվածքներ է ստացել: Ավելի ուշ նրանցից մեկը մահացել է, մյուս հինգը տեղափոխվել են տեղական հիվանդանոցներ՝ տարբեր աստիճանի ծանրության վնասվածքներով՝ թեթևից մինչև ծանր»,- հայտարարել է Վաշինգտոնի ոստիկանության ներկայացուցիչ Սթյուարտ Էմերմանը:
Նրա խոսքով՝ ոստիկանությունը դեռևս չի պարզել հրաձգության պատճառները և դրա պատասխանատուին:
