fbpx
Աշխարհ
23:00 06/12/2019

Խաղաղության Նոբելյան մրցանակի գագաթնաժողովը կկայանա Սեուլում

Խաղաղության Նոբելյան մրցանակի գագաթնաժողովը կկայանա Սեուլում

Խաղաղության Նոբելյան մրցանակի դափնեկիրների 18-րդ գագաթնաժողովը տեղի կունենա 2020 թվականին Կորեայի Հանրապետության մայրաքաղաք Սեուլում: Գագաթնաժողովի կազմկոմիտեի այս որոշման մասին հայտնել է Սեուլի քաղաքագլխի մամուլի ծառայությունը:

«Համաժողովի մասնակիցները կքննարկեն խաղաղության ամրապնդման ուղիները Կորեական թերակղզում և ամբողջ աշխարհում»,- նշվում է փաստաթղթում:

Գագաթնաժողովին կմասնակցի շուրջ հազար մարդ, այդ թվում՝ Խաղաղության Նոբելյան մրցանակի 30 դափնեկիր:

Սեուլի քաղաքապետարանը և գագաթնաժողովի կազմկոմիտեն մտադրությունների համապատասխան հուշագիր են ստորագրել և պայմանավորվել են ձևավորել կոմիտե, որը կզբաղվի միջոցառման նախապատրաստմամբ:

Խաղաղության Նոբելյան մրցանակի դափնեկիրների գագաթնաժողովը գրեթե ամեն տարի Հռոմում է անցկացվել 1999-ից մինչև 2007 թվականը, իսկ այնուհետև՝ աշխարհի տարբեր քաղաքներում: Անցյալ տարի այն չի անցկացվել, իսկ 2019 թվականին կայացել է Մեքսիկայի Մերիդա քաղաքում։

ՎԵՐՋԻՆ ԼՈւՐԵՐ

Վերեվ