Այսօր Խաղաղապահ զորքերի միջազգային օրն է:
Azat TV-ին շնորհավորում է խաղաղապահ զորամիավորումներում ծառայողներին օրվա առթիվ։
ՄԱԿ-ի Գլխավոր Ասամբլեան ստեղծել է տոն՝ Միավորված Ազգերի Կազմակերպության խաղաղապահների միջազգային օր, որը 2003 թվականից ամեն տարի նշվում է մայիսի 29-ին։
ՀՀ զինված ուժերը միջազգային խաղաղապահ առաքելությամբ հանդես է գալիս դեռևս 2004թ. փետրվարից: Հայ խաղաղապահները մեկնել են Կոսովո, Իրաք, Աֆղանստան, Լիբանան և այլն, ինչպես նաև մասնակցել են բազմաթիվ միջազգային և բազմազգ զորավարժությունների՝ մշտապես բարձր պահելով հայ զինծառայողի պատիվը և արժանանալով վերադաս հրամանատարության, ինչպես նաև արտերկրի բարձրաստիճան զինվորականների գովեստին և պարգևներին:
ՀՀ խաղաղապահ ուժերը մինչև օրս անձնուրաց կանգնած են ՀՀ սահմաններին և անցնում են ամենադժվարին օրերը՝ իրականացնելով անհնարինն իրենց գիտակցության, հայրենասիրության և զորեղության հաշվին: Միևնույն ժամանակ, նույնիսկ այս ծանր բեռին Հայաստանը շարունակում է խաղաղապահ առաքելություն կատարել այլ երկրներում, որպես խաղաղության դոնոր:
Փա՛ռք հերոսներին։
Հայաստանին փա՛ռք։
ԽՈՐՀՈւՐԴ Է ՏՐՎՈւՄ ԿԱՐԴԱԼ
