Xiaomi էլեկտրական սեդանի արգելակները խափանվել են. Սա առայժմ միակ նման դեպքն է, գրում է չինական ithome.com պորտալը։ Լրագրողների տեղեկություններով՝ Xiaomi SU7-ի սեփականատերը ավտոկայանատեղիում բախվել է արգելակման համակարգի անսարքության՝ մեքենան դադարեցրել է արգելակումը։ Նրան քարշակով տարել են դիլեր, որտեղ պարզվել է, որ միջադեպի պատճառը ծրագրային անսարքությունն է։ Ընկերությունն ինքը մեկնաբանել է միջադեպը՝ այն անվանելով «չափազանց ցածր հավանականության իրադարձություն», որը վերացվել է։
