Հայաստանի ՀանրապետությաՆ Փոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի գլխավորած պատվիրակությանը: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Անդրեա Վիկտորինը:
Այս մասին տեղեկանում ենք ՀՀ կառավարության պաշտոնական կայքից։
- Սփյուռքի գործերի գլխավոր հանձնակատար աշխատանքային այցով Ֆրանսիայում է
- Հայաստանի և Հունաստանի ԱԳ նախարարները հեռախոսազրույց են ունեցել
«Զրուցակիցները մտքեր են փոխանակել տարածաշրջանային զարգացումների, մասնավորապես՝ տրանսպորտային ապաշրջափակման ուղղությամբ տարվող աշխատանքների շուրջ: Այս համատեքստում Մհեր Գրիգորյանը ներկայացրել է հայկական կողմի դիրքորոշումն ու անդրադարձել հնարավոր ապաշրջափակման սկզբունքներին:
Հանդիպման ընթացքում քննարկվել են նաև փոխադարձ հետաքրքրություն ներկայացնող մի շարք այլ հարցեր», – ասված է պաշտոնական հաղորդագրության մեջ:
