fbpx
Ժամանց

YouTube-ը կբարելավի հայտնի կատարողների 1000-ից ավելի տեսահոլովակների որակը

YouTube տեսահոսթինգը և Universal Music Group ընկերությունը պլանավորում է մինչև 2020 թվականն ավելի քան 1000 տեսահոլովակ նորացնել, որոնք թողարկվել են մի քանի տասնամյակ առաջ, դրանց թվում են Kiss, Maroon 5, The Killers և այլ խմբերի հոլովակները:

«Մեծագույն երաժշտական հոլովակներն արվեստի ստեղծագործություններ են, որոնք շարունակում են մշակութային ազդեցություն ունենալ սերունդների վրա: Եվ ինչպես թանգարանների անգին կտավներն ու քանդակները դրանք ևս ժամանակ առ ժամանակ որոշակի խնամքի կարիք ունեն:

Այսօրվանից սկսած՝ բացառապես YouTube-ում դուք կգտնեք ամենաբարձր որակի հարյուրից ավելի վիդեո և աուդիո երաժշտական հոլովակներ»,- ասված է հաղորդագրության մեջ, որը հրապարակված է YouTube-ի պաշտոնական բլոգում:

Արդեն բարելավված հոլովակների թվում են՝ Billy Idol-ի, Beastie Boys-ի, Boyz II Men-ի, George Strait-ի, Janet Jackson-ի, Kiss-ի, Lady Antebellum-ի, Lady Gaga-ի, Lionel Richie-ի, Maroon 5-ի, Meat Loaf-ի, No Doubt/Gwen Stefani-ի, Smokey Robinson-ի, The Killers-ի, Tom Petty-ի և ուրիշների հոլովակները: Ձայնագրությունները հասանելի կլինեն 1080 պիքսել լուծաչափում:

Մինչև 2020 թվականը YouTube-ը և Universal Music Group-ը պլանավորում են ամբողջությամբ նորացնել գրեթե 1000 երաժշտական հոլովակ: Նոր հոլովակները կհայտնվեն յուրաքանչյուր շաբաթ, հաղորդել է Интерфакс-ը:

ԱՄԵՆԱԴԻՏՎԱԾՆԵՐԸ

ՎԵՐ