ՀՀ ՊՆ-ն արդեն հայտնել է 3 հայ զինծառայողների անունները, ովքեր հերոսաբար զոհվել են հուլիսի 28-ի գիշերը՝ ադրբեջանական սադրանքին դիմակայելու ընթացքում։
Ինչպես հայտնում են Բերդի համայնքապետարանից, ահմահացած զինվորներից մեկը՝ Դավիթ Գառնիկի Քոչարյանը, Չինչին գյուղից էր, Արցախյան 44-օրյա պատերազմի մասնակից:
«Վշտակցում ենք Դավիթ Քոչարյանի ծնողներին, հարազատներին, համագյուղացիներին և բոլորիս՝ անդառնալի, չափազանց թանկ կորստի համար. անամոք վիշտը բոլորինս է», – ասվում է համայնքապետարանի տարածած հայտարարության մեջ:
Հիշեցնենք, որ ավելի վաղ Գեղարքունիքի մարզպետ Գնել Սանոսյանը հայտնել էր, թե ինչ պայմաններում են զոհվել մեր 3 զինծառայողները։