Սիրիայում ՀՀ դեսպանատունը հայտարարություն է տարածել

Սիրիայի Արաբական Հանրապետությունում Հայաստանի դեսպանատունը հայտարարություն է տարածել, որը հրապարակվել է դեսպանության Facebook-յան պաշտոնական էջում։

«Սիրիայի հյուսիսային շրջաններում Թուրքիայի կողմից իրականցվող ռազմական գործողությունների արդյունքում ստեղծված իրավիճակի կապակցությամբ Դամասկոսում ՀՀ դեսպանությունը և Հալեպում ՀՀ գլխավոր հյուպատոսությունը աշխատում են արտակարգ ռեժիմով: ՀՀ դիվանագիտական ներկայացուցչությունները մշտական կապ են պահպանում Սիրիայի Կամիշլիի քաղաքի և հյուսիսային այլ շրջանների համայնքային կառույցների հետ:

Մենք հետևում ենք իրադարձությունների զարգացմանը: Դամասկոսի և Հալեպի հայ առաջնորդարանների հետ համատեղ մշակվում են հնարավոր քայլեր Սիրիայի հյուսիսից տեղափոխվելու ցանկություն հայտնած մեր հայրենակիցներին ժամանակավոր կացարաններով ապահովելու և ըստ անհրաժեշտության առաջին օգնություն տրամադրելու ուղղությամբ:

Անմիջականորեն ռազմական գործողությունների տարածքում գտնվող Տել Աբյադ քաղաքից տասնյակից ավելի հայ ընտանիքներ արդեն իսկ իքնուրույն լքել են իրենց բնակության վայրը և տեղափոխվել ավելի ապահով շրջաններ (Հալեպ և Հասաքե):

Ներկա դրությամբ մեր հայրենակիցների անհապաղ տարհանման խնդիր դրված չէ: Ըստ մեր տեղեկությունների Սիրիայի հյուսիային շրջաններում հայերի թիվը կազմում է շուրջ 3000 մարդ», – ասված է հայտարարությունում:

https://www.facebook.com/armenianembassysyr/posts/3206901882685695?__xts__%5B0%5D=68.ARBkegcca6exhdbf6BZcV2Zo1eFGWHxeA6d4mKcgN-ntciLCkYvftvBFmqG_SdveAVwlxWWjJ9DobTB4MFiXQm9vkBQUvksZ-kJIlwSjQeGAiIDIsHmLSzh77qRkCQSvlSyBeTmodjBcXBIOAlvK2KybLrrHf_kp1sKseCS_S2ElqKHCcTBHa-QIDwM_qrmG1gHeDrz7w3DIt1r19MP5wUh5fI023EjMNbsIWmgvOE89xyDiT3fl0x2Lrv32Qz26ZHJSzYvaO3ap6POJp9NFteLHFp8aXzoFWk_QWnbapqHPxeGNTfRAevRbDqoA3X1msJIic7yZjbAazVzixUo1xvCVKdLdp4dlVW5KImukrOpMDsQgg3i5lC-Yc1RS8Vx99DOT3tsalpHqmVTWsnG_rTo7NPhNd3STT0krCvaITXexZrqu4oyFTbrEyH-oNQhj_81nVMMNv9feb_GW7tgbDzPj8qtqCqLv4fOOqYnPLNrSULPqvYY5&__tn__=H-R