Արցախի բուժհաստատություններում սահմանված է կարանտին

Ի գիտություն հանրապետության քաղաքացիների

Ելնելով աշխարհում COVID-19 կորոնավիրուսային վարակով պայմանավորված լարված համաճարակային իրավիճակից, Արցախի Հանրապետության առողջապահության նախարարությունը խնդրում և հորդորում է հանրապետության բնակչությանը՝ բուժհաստատություններ դիմել միայն խիստ անհրաժեշտության դեպքում:

Տեղեկացնենք, որ վարակի տարածումից խուսափելու նպատակով, հանրապետության բուժհասատատություններում սահմանված է կարանտին` համապատասխան սահմանափակումներով, որով խստացվել է բուժհիմնարկների աշխատանքային գործունեությունը:

✅Անվճար և արտոնյալ պայմաններով դեղորայք ստացողների խմբերում ընդգրկված անձանց խնդրում ենք ներկայանալ նախօրոք բժշկող բժշկի հետ պայմանավորվելուց հետո՝ յուրաքանչյուր աշխատանքային օր, ժամը 12:00-ից սկսած:
✅Լրացուցիչ բարդություններից խուսափելու նպատակով, առաջարկում ենք ոչ հրատապ դեպքերում հեռախոսազանգի միջոցով կապ հաստատել տեղամասային բժշկի հետ` անհրաժեշտ բուժման ցուցում ստանալու համար:

➡️Արցախի Հանրապետության առողջպահության նախարարի համապատասխան հրամանով` ԱՀ առողջապահության նախարարության ենթակա բժշկական օգնություն և սպասարկում իրականացնող կազմակերպությունների ղեկավարներին հանձանարարվել է իրենց տնօրինած բուժհաստատություններում`

✅ժամանակավորապես սահմանել կարանտին,
✅խստիվ արգելել կողմնակի անձանց մուտքը,
✅դադարեցնել հարկերի միջև հաղորդակցությունը,
✅սահմանափակել հիվանդների անցուդարձը և բաժանմունքից դուրս գալը,
✅սահմանափակել նոր հիվանդների ընդունումը, բացառությամբ` կյանքի ցուցման,
✅սահմանափակել քաղաքացիների ամբուլատոր-պոլիկլինիկական բաժանմունքներում իրականացվող պլանային հետազոտությունները,
✅սահմանափակել հիվանդների պլանային վիրահատությունները,
✅շինության մուտքի դռների մոտ փակցնել կարանտինի իրազեկման մասին ցուցանակ:

Գրված է Ացախի տեղեկատվական շտաբի Facebook-ի էջում։

Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus, իսկ ախտանիշների և պաշտպանվելու հիմնական միջոցառումների մասին՝ կարդալ այստեղ։

https://www.facebook.com/ArtsakhInformation/posts/114637956843660?__xts__%5B0%5D=68.ARB9KY5dCqhMUeFuKcOitR0w_pB1a3F2XP9Xl6QgI8_C-jaI4HPJGA4xXIXYs6jCN9EEtw3gorZIK_nhanugxhyfNiTPg5Tbmj_KuBbZHems_Fq0B_m2ujUDXiubW7sqKsQkjYWKdu8jiNY9C19JqI4QPBQaPpkmWqa4ZEH0eVwPyo33TRhOitoND4A3y4AyHB8aGvwkRS_smo5URZ72QlEgFqj39aLWgqof8RPF9Jz6BIyvIN0fbEcsH0XBtYZzltRpmUn1eWbjrR6qEee9gq9iF-UkcrHU2BMXPAKGHTxwVNfM7H9wUeStLGXp94ZKSjJPcTCqVZB9krILDSUzFTg&__tn__=-R