Սերժ Սարգսյանի ու մյուսների գործով դատական նիստը հետաձգվել է։ Պատճառը եղել է մեղադրյալների բացակայությունը։
Վերջիններիս փաստաբանները հայտնել են, որ չներկայանալու պատճառը փոքր դահլիճն է, որի պատճառով հնարավոր չի լինելու պահպանել սոցիալական հեռավորությունն ու պարետատան կողմից սահմանված կանոնները։
Սակայն, նիստի նախագահող դատավոր Վահե Միսակյանը նշել է, որ հաջորդ դատական նիստերին մասնակիցների բացակայությունը անթույլատրելի կհամարվի։
Այսպիսով, հաջորդ նիստը նշանակվեց օգոստոսի 6-ին՝ ժամը 14:00-ին։
