Պէյրութի նաւահանգիստին մէջ Օգոստոս 4-ին տեղի ունեցած աղիտալի պայթումին հետևանքով յառաջացած մարդկային և ընկերա-տնտեսական ճգնաժամին հետևանքով, Արևմտեան Ամերիկայի Համահայկական Խորհուրդը (PAC-WUSA) որոշած է անյապաղ ձեռնարկել շտապ օգնութեան աշխատանքներու, յատուկ դրամահաւաք յայտարարելով Լիբանանի տուժած մեր հայրենակիցներուն և համայնքային կարիքներուն հասնելու համար:
Բոլոր նուիրատուութիւնները անյապաղ և ուղղակի պիտի փոխանցուին Ն.Ս.Օ.Տ.Տ. Արամ Ա. Վեհափառի հովանաւորութեամբ ստեղծուած համայնքային շտապին, որ բաղկացած է լիբանանահայ համայնքի բոլոր գլխաւոր կրօնական, քաղաքական և բարեգործական կազմակերպութիւններէն, անյապաշ բաշխման համար: Օժանդակութիւնները պիտի տրամադրուին հազարաւոր հայրենակիցներու անմիջական կարիքներուն՝ սննթամթերք, ապաստարան, բժշկական, և այլն:
Խորհուրդս կոչ կ’ընէ բոլորին գօտեպնդուելու և միացեալ ճիգերով զօրակցելու Լիբանանի մեր քոյրերուն և եղբայրներուն՝ առատաձեռն նուիրելով յաջորդ ժամերուն իսկ յայտարարուելիք հանգանակութեան:
Աւելին, կոչ կ’ընենք մեր բոլոր հայրենակիցներուն, յատուկ ուշադրութեամբ և զգուշաւորութեամբ ընտրել նուիրահաւաքային արշաւները, որոնք ընկերային ցանցերու վրայ կը հրամցուին:
Միացեալ կամքով, կազմակերպուած ճիգերով, և լայն սրտերով պիտի զօրակցինք մեր լիբանանահայ հայրենակիցներուն:
Արևմտեան Ամերիկայի Համահայկական Խորհուրդի անդամ կազմակերպութիւններ
Հայաստանեաց Արաքելական Եկեղեցի Արևմտեան Թեմ
Առաջնորդարան Հայոց ԱՄՆահանգներու Արևմտեան Թեմ
Հիւսիսային Ամերիկայի Հայ Աւետարանական Միութիւն
Հիւսիսային Ամերիկայի Տիրամայր Նարեկի Հայ Կաթողիկէ Թեմ
Արևմտեան Ամերիկայի Հայ Յեղափոխական Դաշնակցութիւն
Ռամկավար Ազատական Կուսակցութիւն Արևմտեան Ամերիկայի Շրջան
Արևմտեան Ամերիկայի Հայ Oգնութեան Միութիւն
Հայկական Բարեգործական Ընդհանուր Միութիւն, Արևմտեան Շրջան
Ամերիկայի Հայ Աւետարանչական Ընկերակցութիւն
Հայ Մարմնակրթական Ընդհանուր Միութիւն, Արևմտեան Նահանգներու Շրջան
Արևմտեան Ամերիկայի Համազգային Հայ Կրթական և Մշակութային Միութիւն
Թէքէեան Մշակութային Միութիւն
Արևմտեան Ամերիկայի Հայ Երիտասարդաց Դաշնակցութիւն
Միացյալ Հայ Երիտասարդներ
Արևմտեան Ամերիկայի Հայ Դատի Յանձնախումբ
Ամերիկայի Հայկական Համագումար
Հայ Իրաւաբանական Միութիւն
Պոլսահայ Միութիւն
Լոս Անճելըսի Իրանահայ Միութիւն
Քալիֆորնիոյ Հայ Երիտասարդաց Միութիւն
Լոս Անժելեսի Իրաքահայերու Ընտանեկան Միութիւն
Քեսապի Ուսումնասիրաց Միութիւն
Ծառայողական Աշխատողներու Միջազգային Միութիւն
Հարաւային Գալիֆորնիոյ Հայ Դեմոկրատներ
Գրում է 1in.am-ը։
