Երեկ՝ օգոստոսի 23-ին ՀՀ պաշտպանության նախարար Արշակ Կարապետյանը ՌԴ Պատրիոտ կենտրոնում մասնակցել է «Արմիա-2021» ռազմաարդյունաբերական ցուցահանդեսի և Միջազգային բանակային խաղերի բացման արարողությանը։
Այս մասին հայտնում են ՀՀ ՊՆ պաշտոնական կայքից։
- Արշակ Կարապետյանի գլխավորած պատվիրակությունը մեկնեց Ռուսաստան
- ՀՀ ԶՈՒ ստորաբաժանումները կմասնակցեն «Միջազգային բանակային խաղեր-2021» միջոցառմանը
«Նույն օրը ՀՀ պաշտպանության նախարարը մի շարք հանդիպումներ է ունեցել ՌԴ խոշոր ռազմաարդյունաբերական ընկերությունների ղեկավարների հետ, քննարկել երկկողմ հետաքրքրություն ներկայացնող մի շարք հարցեր։
Արշակ Կարապետյանն, այնուհետև, հայ-ռուսական ռազմատեխնիկական համագործակցության հարցերի ողջ շրջանակը քննարկել է ՌԴ Ռազմատեխնիկական համագործակցության դաշնային ծառայության տնօրեն Դմիտրի Շուգաևի և Ռոսօբորոնէքսպորտ ընկերության տնօրեն Ալեքսանդր Միխեևի հետ», – ասվում է տարածված պաշտոնական հաղորդագրության մեջ։
