Գազաֆիկացվում է սահմանամերձ Ռանչպարը

Կառավարության սուբվենցիոն ծրագրով Արարատի մարզի սահմանամերձ Ռանչպար համայնքի մեծ մասը կգազաֆիկացվի այս տարվա ընթացքում։

Այս մասին տեղեկանում ենք Արարատի մարզպետարանի Facebook-ի էջից։

Նշվում է, որ խոսքը համայնքի 75 տոկոսի մասին է, իսկ մյուս 25 տոկոսը կիրականացվի առաջիկա տարիների ընթացքում։

Ըստ աղբյուրի՝ ծրագրի արժեքը 126 միլիոն դրամ է, որի 65 տոկոսը տրամադրում է կառավարությունը։

Նշվում է նաև, որ բնական գազ ունենալը երկար տարիներ երազանք է եղել բնակիչների համար։