Բարդ է լինելու․ Վրաստանի ԱԳՆ ղեկավարը՝ «3+3» ձևաչափում ներգրավվելու մասին

Վրաստանի արտգործնախարար Դավիթ Զալկալիանին խոսել է ՌԴ գործընկերոջ՝ Սերգեյ Լավրովի ասած «3+3» ձևաչափի մասին, որն իրենից ենթադրում է, որ անդրկովկասյան երկրների՝ Հայաստանի, Վրաստանի ու Ադրբեջանի և նրանց մեծ հարևանների՝ Ռուսաստանի, Թուրքիայի ու Իրանի մասնակցությամբ նախագիծ։

Զալկալիանին ասել է, որ Վրաստանի համար բարդ է նման ձևաչափին մասնակից լինել, բայց Երկիրը նաև պետք է գոնե ինչ-որ ձևով ներկայացված լինի նման խոշոր աշխարհաքաղաքական նախագծերում։

Միևնույն ժամանակ Զալկալիանին ասել է, որ Թբիլիսիի համար դժվար կլինի մասնակցել դրան՝ Հարավային Օսիայից ռուսական զորքերի դուրսբերման հարցում առաջընթաց չլինելու պարագայում։