Պեպ Գվարդիոլան չի բացառում, որ 2025 թվականից հետո կմնա «Մանչեսթեր Սիթիում».
«Ես ևս երկու տարով պայմանագիր եմ ստորագրել, քանի որ այստեղ ինձ հարմարավետ եմ զգում, և թրեբլը կամ նրա բացակայությունը ոչինչ չէին փոխի։
Ես ուրախ եմ, ժողովուրդն ուրախ է, ղեկավարությունը նույնպես, քանի որ ի վերջո նա է որոշում, թե ով է ղեկավարելու թիմը։ Եթե նրանք երջանիկ են, ուրեմն ես երջանիկ եմ։
Ես ցանկանում եմ պաշտպանել մեր գավաթները. Միգուցե մրցաշրջանի վերջում, եթե հոգնեմ, ամեն ինչ կքննարկենք ակումբի հետ։ Կամ գուցե երկարաձգենք պայմանագիրը»,- ասել է «Մանչեսթեր Սիթիի» գլխավոր մարզիչը: