Իրանի արտաքին գործերի նախարար Մոհամմադ Ջավադ Զարիֆը թվիթերի իր միկրոբլոգում հրապարակել է քարտեզ, որտեղ պատկերված է խոցված ամերիկյան անօդաչու թռչող սարքի երթուղին:
Քարտեզում նաև նշված են անօդաչու սարքի գտնվելու կոորդինատները կոնկրետ պահի, սարքի կոորդինատները Իրանի կողմից նախազգուշական ազդանշան տալու ժամանակ, ինչպես նաև այն տեղը, որտեղ խոցվել է ամերիկյան անօդաչու սարքը:
«Այլևս կասկածներ չեն լինի, թե որտեղ է գտնվել սարքը խոցելու պահին»,- գրել է Զարիֆը:
Քարտեզը կարող եք դիտել այստեղ։
Հինգշաբթի Իրանի «Իսլամական հանրապետության պահապանների կորպուսը» հայտարարել էր ամերիկյան անօդաչու թռչող սարք խոցելու մասին: Իրանական կողմը պնդում է, որ ամերիկյան սարքը գտնվել է Իրանի օդային տարածքում, իսկ ամերիկյան կողմի պնդմամբ՝ անօդաչուն խոցվել է միջազգային օդային տարածքում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
