Ադրբեջանի օպերատիվ շտաբի անդամ, հանրապետության տարածաշրջանային բժշկական ստորաբաժանումների միության նախագահ Ռամին Բայրամլին հայտնել է, որ երկրում կարանտինի հատուկ ռեժիմը կարող է երկարաձգվել մինչեւ տարեվերջ։
«Ադրբերջանում կարանտինի հատուկ ռեժիմը կարող է երկարաձգվել մինչև 2020 թվականի ավարտ: Պետք է տրամադրվել, որ մինչև ընթացիկ տարվա ավարտը մենք կապրենք կարանտինի հատուկ ռեժիմում՝ օգտագործելով դիմակներ և պահպանելով սոցիալական հեռավորություն»,-ուրբաթ ճեպազրույցի ժամանակ նշել է Բայրամլին։
Օպերատիվ շտաբի անդամի խոսքով՝ Ադրբեջանում վերջին մեկ օրվա ընթացքում հայտնաբերվել է կորոնավիրուս 101 մարդու մոտ, իսկ երկրում COVID-19-ով վարակման դեպքերի ընդհանուր թիվը հասել է 2980-ի:
«Առողջացումից հետո ստացիոնարներից դուրս է գրվել 53 մարդ, այդկերպ՝ կորոնավիրուսային հիվանդությունից բուժվածների թիվը հասել է 1886-ի, 1977 թվականին ծնված մեկ պացիենտ մահացել է, Ադրբեջանում կորոնավիրուսով վարակվածների թիվն աճել է 36-ով: Ներկայում հիվանդանոցներում գտնվում է 1058 մարդ: Նրանցից 37-ի վիճակը գնահատվում է որպես ծանր, 47-ի վիճակը՝ միջին ծանրության, մյուսները գտվում են կայուն վիճակում»,-ասել է Բայրամլին՝ հավելելով, որ Ադրբեջանում ընդհանուր առմամբ արվել է 220363 կորոնավիրուսի թեստ: