Azat TV-ի գլխավոր խմբագիր Նարեկ Այվազյանը Facebook-ի իր էջում անդրադարձել է Արցախ մտնող գազատարի վնասման թեմային ու նաև արցախահայերի իրավունքների խախտումներին։
- Ադրբեջանի ՊՆ-ն ապատեղեկատվություն է տարածել․ Արցախի ՊԲ-ն հերքել է
- Ադրբեջանը հոգեբանական ճնշում է գործադրել Խրամորթի բնակիչների վրա․ եղել են կրակոցներ, կիրառվել է ականանետ, կա վիրավոր․ ՄԻՊ
«Արցախ մտնող գազատարի պայթեցումը և վերականգնել թույլ չտալու պատասխանատվությունը կրում են Արցախի Հանրապետությունում տեղակայված Ռուսաստանի ուժերը ու Ադրբեջանի օկուպանտները, որոնք օրնիբուն ոտնահարում են Արցախի հանրապետության քաղաքացիների իրավունքները:
Այս մասին աղաղակում է նաև Եվրանյուզը: Եվրոպան շատ լավ տեսնում և հասկանում է, թե ինչ են փորձում անել կրեմլահպատակ ուժերը մեր տարածաշրջանում: Սադրանքներին չպետք է տրվել, բայց ճիշտ ժամանակին պատասխանը պետք է տանք, քանի որ մարդուց ու մարդու ազատությունից, հատկապես մեր հայրենակիցների, որոնք ապրում ու արարում են մեր հողում, թանկ բան չկա:
Տմարդի ու հակահայ քաղաքականությունը, որը վարում է ադրբեջանական ահաբեկիչ ու ավտորիտար ռեժիմը, տապալվելու է: Դա աշխարհում հոսող հակամարդկային ու կոռումպացված միջազգային կրիմինալիտետի ատելության գեներացման գործիքներից է:
Ալիևի կլանը անկելու է», – գրել է Այվազյանը։
