Մոսկվայում այսօր մեկնարկում է «Aeroflot open» շախմատային հեղինակավոր մրցաշարը: Այն անցկացվում է երեք խմբերում՝ A, B, C:
A-ն համարվում է ուժեղագույնների խումբը: Հայաստանն այս մրցաշարում ներկայացնում են մեծ թվով մարզիկներ: Մասնավորապես A խմբում մրցաշարին կմասնակցեն Հայկ Մարտիրոսյանը, Մանուել Պետրոսյանը, Արամ Հակոբյանը, Տիգրան Պետրոսյանը և Շանթ Սարգսյանը: B խմբում Հայաստանը ներկայացնողների թվում են Էլինա Դանիելյանը և մեր անվանի վետերան Ռաֆայել Վահանյանը: Մրցաշարի շրջանակում կանցկացվի 9 տուր: Հաղթողները հայտնի կդառնան փետրվարի 28-ին: