Ուկրաինայի բնակիչները դուրս են եկել Մայդան՝ հայտարարելու իրենց պահանջները «Նորմանդական քառյակի» Փարիզում կայանալիք գագաթնաժողովի նախօրեին:
Կիևի կենտրոնում հավաքվել է մի քանի հազար մարդ:
Ակցիային աջակցել է Ուկրաինայի նախկին նախագահ Պյոտր Պորոշենկոն:
«Մենք պետք է միասին պաշտպանենք Ուկրաինան: Ռուսաստանը, Ֆրանսիան, Գերմանիան պետք է իմանան «կարմիր գծերը», որոնցից այն կողմ մենք չենք անցնի»,- գրել է նա սոցցանցերում:
Ցուցարարները բղավում են կարգախոսներ, որոնց շարքում ամենից հաճախ հնչում է. «Ոչ կապիտուլիացիային»:
Միջոցառմանը ներկա է եղել նաև Գերագույն ռադայի նախկին խոսնակ Անդրեյ Պարուբիյը: