fbpx
Աշխարհ

13:00 25/6/2019

Ամերիկյան անօդաչու սարքը խոցվել է իրանական ՀՕՊ համակարգով. Զարիֆ

Ամերիկյան անօդաչու թռչող սարքը խոցվել է ամբողջովին իրանական արտադրության «Հորդադ-3» հակաօդային պաշտպանության համակարգով, հայտարարել է Իրանի արտաքին գործերի նախարար Մուհամմադ Ջավադ Զարիֆը՝ հերքելով այն լուրերը, թե այն խոցվել է ռուսական համակարգով: Այս մասին հաղորդել է Mehr-ը։

Նկարագրելով Իրանի տարածք ամերիկյան ԱԹՍ-ի ներխուժման հարցով Իրանի պատասխան դիվանագիտական միջոցները՝ նա ասել է, որ ներխուժման օրը Իրանը նամակ է հղել ՄԱԿ-ի գլխավոր քարտուղարին՝ խնդրելով միջազգային միջոցներ ձեռնարկել՝ տարածաշրջանում ԱՄՆ-ի վտանգավոր պահվածքի կանխման համար:

Խոսելով եվրոպական հատուկ INSTEX ֆինանսական մեխանիզմի սահմանման մասին՝ Զարիֆը նշել է նախնական քայլերը, որոնք եվրոպացիներին կստիպեն իրականացնել Իրանի առաջ միջուկային համաձայնագրով իրենց պարտավորությունների մի մասը:

«Եվրոպացիները պետք է կատարեն իրենց պարտավորությունները և համաձայնեն հետևանքների հետ»,- զգուշացրել է Իրանի արտաքին գործերի նախարարը:

 

Վերեվ