«Բարսելոնան» դարձել է Էնթոնի Գորդոնի համար պայքարի գլխավոր հավակնորդը՝ շրջանցելով «Բավարիային»։ Կատալոնական ակումբի սպորտային տնօրեն Դեկուն անձամբ է բանակցություններ վարում Մեծ Բրիտանիայում՝ «Նյուքասլի» ղեկավարության հետ համաձայնության հասնելու նպատակով։ Ֆուտբոլիստն ինքն արդեն հայտնել է «Բարսելոնա» տեղափոխվելու իր ցանկության մասին՝ նախապատվությունը տալով Հանսի Ֆլիկի գլխավորած նախագծին։
Չնայած «Բարսելոնայի» հետաքրքրությանը, տրանսֆերային գործարքի հիմնական խոչընդոտը ֆինանսական հարցերն են։ «Նյուքասլը» 25-ամյա հարձակվողի դիմաց պահանջում է մոտ 80 միլիոն եվրո, ինչը կատալոնացիների համար զգալի գումար է։ Այնուամենայնիվ, կողմերը շարունակում են քննարկել գործարքի պայմանները՝ հույս ունենալով առաջընթաց գրանցել մինչև Աշխարհի առաջնության մեկնարկը։ Գորդոնը, որը դարձել էր «Նյուքասլի» լավագույն ռմբարկուն այս մրցաշրջանում, ներկայումս դիտարկվում է որպես թիմի հարձակողական գիծն ուժեղացնելու հիմնական թեկնածու։