Անտուան Գրիզմանը պաշտոնապես հրաժեշտ տվեց «Ատլետիկո Մադրիդին»՝ իր վերջին տնային հանդիպումն անցկացնելով «Ժիրոնայի» դեմ (1-0): 35-ամյա ֆուտբոլիստը, որը դարձել է ակումբի պատմության լավագույն ռմբարկուն՝ 212 գոլով և 500 հանդիպումով, հուզիչ ելույթով դիմեց երկրպագուներին՝ ներողություն խնդրելով 2019 թվականին «Բարսելոնա» տեղափոխվելու համար։
Գրիզմանը նշել է, որ չնայած Չեմպիոնների լիգայի կամ Լա Լիգայի գավաթները չնվաճելուն, «Ատլետիկոյի» երկրպագուների սերը նրա համար ավելի թանկ է։ Գլխավոր մարզիչ Դիեգո Սիմեոնեն նրան անվանել է ակումբի պատմության լավագույն խաղացողներից մեկը։ Ֆրանսիացին այժմ պատրաստվում է կարիերան շարունակել MLS-ում՝ «Օռլանդո Սիթիի» կազմում։