Սեպտեմբերի 15-ին Երևանի քաղաքապետարանը հաղորդագրություն է տարածել, որում հայտնել է, որ Երևանի քաղաքապետարանը ոստիկանության աջակցությամբ շարունակում է բացօթյա ապօրինի առևտրի վերացմանն ուղղված ամենօրյա ստուգայցերը:
«Չնայած բազմաթիվ նախազգուշացումներին ու կիրառվող վարչարարությանը՝ շատ քաղաքացիներ դեռ շարունակում են առևտրական կետեր դնել մայթերին ու չնախատեսված այլ վայրերում: Երևանյան փողոցների ու մայթերի տեսքը փչացնելուց բացի, ապօրինի բացօթյա առևտուրը վտանգավոր հետևանքներ կարող է ունենալ նաև մարդու առողջության համար։
- Եվրոպան Թուրքիայի դեմ նոր պատժամիջոցներ կարող է կիրառել
- Սահմանների դեմարկացիան և դելիմիտացիան պետք է տեղի ունենա. Փաշինյան
Գործընթացը շարունակվելու է այնքան ժամանակ, մինչև մայրաքաղաքում բացօթյա ապօրինի առևտրի խնդիրը վերջնական լուծում ստանա:
Ստուգայցերի շրջանակում տարհանվել են նաև փողոցային առևտրի համար օգտագործվող ավտոմեքենաներ»,- ասված է հաղորդագրության մեջ։
