Դեկտեմբերի 5-ին ՀՀ պաշտպանության նախարար Սուրեն Պապիկյանը ՊՆ վարչական համալիրում ընդունել է Միացյալ Թագավորության պաշտպանության գծով պետական նախարար, լորդ Վերնոն Ռոդնի Քոքերին և Հայաստանում բրիտանական առաջին ռեզիդենտ պաշտպանական կցորդ, մայոր Թոմաս Շորլանդ Բոլին։ Հանդիպմանը ներկա էին նաև Միացյալ Թագավորությունում Հայաստանի արտակարգ և լիազոր դեսպան Վարուժան Ներսեսյանն ու Հայաստանում Միացյալ Թագավորության արտակարգ և լիազոր դեսպան Ալեքսանդրա Քոուլը։
Հանդիպման ընթացքում քննարկվել են պաշտպանության ոլորտում Հայաստան-Միացյալ Թագավորություն համագործակցության զարգացման հնարավորությունները։ Կողմերը դրական են գնահատել համագործակցության ընթացիկ մակարդակը՝ ընդգծելով ՀՀ-ում և ՄԹ-ում ռեզիդենտ կցորդների նշանակման կարևորությունը։ Այս քայլը, ըստ կողմերի, կնպաստի երկու երկրների միջև պաշտպանության բնագավառում համագործակցության հետագա ընդլայնմանը։
Բացի այդ, քննարկվել են միջազգային և տարածաշրջանային անվտանգությանն առնչվող մի շարք հարցեր։ Կողմերը պատրաստակամություն են հայտնել շարունակել համագործակցությունը՝ նպաստելով տարածաշրջանային կայունության ամրապնդմանը։