Շարունակվում է արագ շախմատի Aimchess US Rapid օնլայն մրցաշարը, որին մասնակցում է նաև հայազգի Լևոն Արոնյանը։
Նա հասել է 1/4-րդ եզրափակիչ, որտեղ դիմակայում է ադրբեջանցի Շաքրիար Մամեդյարովին։
Երեկ կայացել են դիմակայության առաջին պարտիաները։ Արոնյանը հաղթել է ընդհանուր 3-1 հաշվով։
Այսօր արդեն կայանալու են դիմակայության երկրորդ հատվածի պարտիաները, որոնցում հայ շախմատիստը պետք է կարողանա պահպանել առավելությունը։
Նշենք, որ մրցաշարին մասնակցում է նաև աշխարհի չեմպիոն Մագնուս Կարլսենը, ով դիմակայության առաջին օրը նույնպես հաղթական հաշվով է ավարտել։