Բեռլինի Գրան պրի․ Արոնյանը կիսաեզրափակիչը մեկնարկեց հաղթանակով

Ավարտին է մոտենում Բեռլինի Գրան պրին, որին մասնակցում է նաև ԱՄՆ-ի դրոշի տակ հանդես եկող հայազգի Լևոն Արոնյանը։

Նա հասել է մինչև կիսաեզրափակիչ ու մրցում է Լենիեր Դոմինգես Պերեսի հետ։ Առաջին պարտիայում հայ շախմատիստը հաղթել է Դոմինգեսին։ Այսօր կայանալու է երկրորդ հանդիպումը։

Իսկ կիսաեզրափակչի մյուս զզույցը կազմում են Հիկարու Նակամուրան ու Ռիչարդ Ռապորտը։ Առաջին պարտիայում հաղթել է Նակամուրան։

Հատանշական է, որ կիսաեզրափակչի 4 մասնակիցներից 3-ը ներկայացնում են Ամերիկայի Միացյալ Նահանգները։