Սիրիայի նախագահ Բաշար Ասադի խորհրդական Բուսեյնա Շաբանը ամերիկյան NBC-ի հետ զրուցում խոսել է Սիրիայի նավթային պաշարներով հարուստ տարածքներում օտարերյա ուժերի ներկայության վերաբերյալ։
Ըստ սիրիացի պաշտոնյայի՝ ոչ մի օտարերկրյա ուժ որևէ իրավունքներ չունի Սիրիայի բնական պաշարների նկատմամբ։ Նա չի բացառել, որ սիրիական բանակը ռազմական գործողություններ կարող է իրականացնել ամերիկյան ուժերի դեմ, որոնք վերահսկում են նավթային պաշարներով որոշ տարածքներ։
Ասադի խորհրդականը նաև խոսել է թուրքական ուժերի ներկայության մասին Սիրիայում՝ համարելով այն աընդունելի։ Նա Սիրիայում գտնվող թուրքական ուժերին անվանել է «ահաբեկիչներ» և ավելացրել, որ իրենք մաքրելու են երկիրը անցանկալի օտարերկրյա ուժերից. «Անկախ նրանից լինեն դրանք ամերիկյան, թե թուրքական ուժեր», ասել է Շաբանը։
Գրում է Ermenihaber-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
