Ավարտվել է Բելառուսի խորհրդարանական ընտրությունների քվեարկությունը

Բելառուսում ավարտվել է 7-րդ գումարման Ներկայացուցիչների պալատի պատգամավորների ընտրությունների քվեարկությունը: Այս մասին հաղորդում է ԲԵԼՏԱ-ն։

Տեղական ժամանակով ժամը 20։00-ին փակվել են ընտրատեղամասերը, որից հետո ընտրական հանձնաժողովները սկսել են քվեների հաշվարկը։

Բելառուսի ԿԸՀ-ի տվյալներով՝ ժամը 18։00-ի դրությամբ՝ ընտրությունները կայացել են 110 ընտրական շրջաններից 109-ում։ Մասնակցությունը կազմել է 70,72%։