«Բոլորին ուզում եմ հիշեցնել, որ այստեղ նստած մարդիկ հանցագործներ չեն, այստեղ նստած մարդիկ ձեր միջնորդության համաձայն կարող են երկու պատասխան տալ` այո՛ կամ ո՛չ, և դա նրանց սահմանադրական և օրենսդրական իրավունքն է»,- ԳԽ պատգամավոր Վահագն Խաչատուրյանը նման դիրքորոշում հայտնեց քաղաքական նպատակներով Վանո Սիրադեղյանին մեղադրող այդ ժամանակվա գլխավոր դատախազ Աղվան Հովսեփյանին և մի քանի հարց ուղղեց վերջինիս, որոնք մինչ օրս անպատասխան են մնացել.
«Դուք կրկնում եք, որ Վանո Սիրադեղյանը այն չորս պատգամավորներից մեկն է, որի մասին խոսվում է մեկ կամ երկու տարուց ավելի, Դուք կրկնում եք, որ, իսկապես, փորձաքննության եզրակացության հիման վրա եք համոզվել, որ երկու սպանվածների, դիակների ոսկորներն իրենցն է:
1990-1994թթ. էներգակիրների ներդրման գործում չարաշահումների հետ կապված գործ է հարուցված եղել: Դուք որևէ առնչություն ունեցել եք այդ գործերին, թե ոչ:
Հաջորդ հարցը` վերջերս Դուք գործ եք հարուցել «Արմենթել» ձեռնարկության և դրա հետևանքով 1991-ից 95 թվականներին կապի բնագավառում տեղի ունեցած չարշահումների կամ օրենքի խախտումների վերաբերյալ: Դուք այդ գործը հարուցել եք պարոն վարչապետի հանձնարարության հիման վրա կամ նրա առաջարկությամբ: Մենք, որ պատգամավորներս խոսում ենք կոնյակի գործի հետ կապված կամ Արմենթելի մեկ տարի կամ ութ ամիս, դուք պատրաստվում եք այդ գործերի հետ կապված գործ հարուցել, թե անպայման պետք է վարչապետը կամ Հանրապետության նախագահը ձեզ հանձնարարի»,- ասաց Խաչատուրյանը և ևս մի քանի հարց տվեց Աղվան Հովսեփյանին:
«Հաշվի առնելով Ձեր ելույթում հնչած այն խոսքերը, որ Դուք օբյեկտիվ եք և պատրաստ եք անելու բոլոր քայլերը հանցագործությունները պարզելու ուղղությամբ: Ես այսպիսի հարց եմ ուզում տալ` Դուք պատրա՞ստ եք, վերջին ժամանակներս տեղի ունեցած սպանությունների հետ կապված դիմել ակտիվ գործողությունների հարևան երկրների և ավելի կոնկրետ Արցախում»:
Վահագն Խաչատուրյանն անդրադարձավ նաև գաղտնի գործողություններին և հարցրեց Հովսեփյանին` համոզված եղեք, որ Ձեր անձի նկատմամբ և իմ անձի նկատմամբ գաղտնի դիտարկումներ եղել են: Այդ գաղտնի դիտարկումների իրականացնողները վաղը մյուս օրը կլինեն հանցագործներ, այսինքն՝ մեր նկատմամբ պատրաստ սպանություններ կատարողներ կլինեն, որովհետև Ձեր ներկայացնելուց այդպես է»:
Վերջում պատգամավորը, դիմելով Հովսեփյանին, ասաց, որ ինքը առաջին անգամ լսեց Նորայր Թադևոսյանի անունը և հարցրեց. «Ո՞վ է այդ անձնավորությունը, որտե՞ղ է հիմա գտնվում, արդյո՞ք աշխատում է, թե՞ ոչ, որովհետև իմ տեղեկությամբ նա հիմա աշխատում է Ներքին գործերի նախարարության համակարգում»:
Մանրամասները` տեսանյութում: