2026 թվականի հուլիսի 30-ին կայացավ GRVT նոր տոկենի (արտասանվում է «գրավիթի») պաշտոնական թողարկումն ու առևտրի մեկնարկը մի շարք առաջնակարգ կրիպտոարժութային բորսաներում: CoinGabbar վերլուծական հարթակի և բորսայական պաշտոնական հաղորդագրությունների համաձայն՝ նախագիծն ապահովել է միաժամանակյա հասանելիություն Binance Alpha, MEXC, KuCoin, XT.com և Bitget հարթակներում, իսկ Coinbase-ը բացել է դեպոզիտների հասցեները՝ սպասելով թողարկողի կողմից փոխանցումների ապարգելափակմանը:
Առևտրի մեկնարկի ժամերը թեթևակի տարբերվում են ըստ հարթակների. KuCoin-ում առևտուրն սկսվել է Երևանի ժամանակով 18:00-ին (14:00 UTC), իսկ XT.com-ում՝ 18:10-ին: MEXC բորսան գործարկել է GRVT/USDT և GRVT/USDC զույգերը՝ իրացվելիության պահանջների ապահովմանը զուգընթաց, իսկ Binance Alpha-ն հնարավորություն է տվել ստանալու աիրդրոպները Alpha Points-ի միջոցով առևտրի բացման պահից սկսած:
Ի՞նչ է GRVT-ն և ինչպե՞ս է այն գործում
GRVT-ն ապակենտրոնացված ֆինանսական հարթակ է, որն աշխատում է ZKsync Validium երկրորդ մակարդակի (L2) ցանցի վրա: Այն միավորում է եկամտաբեր խնայողությունները, ինստիտուցիոնալ մակարդակի ներդրումային գործիքները, ինչպես նաև սփոթ և հավերժական (perpetual) պայմանագրերի առևտուրը մեկ միասնական հաշվեկշռում: Հարթակի պաշտոնական բլոգի համաձայն՝ օգտատերերը կարող են տոկոսներ ստանալ իրենց ավանդներից և միաժամանակ օգտագործել այդ միջոցները որպես գրավ՝ առանց ակտիվները տարբեր արձանագրությունների միջև տեղափոխելու անհրաժեշտության:
GRVT տոկենը հանդիսանում է էկոհամակարգի հիմնական բանալին: Այն սթեյքինգի դնելը կամ պահելը նվազեցնում է առևտրային միջնորդավճարները, բարձրացնում եկամտաբերությունը և առաջնահերթ հասանելիություն տալիս նոր արտադրանքներին:
Տոկենոմիկան և առաջիկա ապարգելափակումները
Տոկենի ընդհանուր առաջարկը սահմանափակված է 1 միլիարդով և չի նախատեսում գնաճային մեխանիզմներ: Ըստ CoinMarketCap-ի տվյալների՝ թողարկման պահին շրջանառության մեջ է դրվել ընդհանուր առաջարկի 11.43%-ը կամ 114.31 միլիոն տոկեն: Մնացած մասը բաշխված է հետևյալ կերպ. էկոհամակարգի զարգացում՝ 33.10%, համայնքային աիրդրոպ՝ 28.00%, ներդրողներ՝ 19.90% և հիմնադիր թիմ՝ 19.00%:
Շուկայի մասնագետները հատուկ ուշադրություն են դարձնում առաջիկա խոշոր ապարգելափակումներին (unlocks), որոնք կարող են լրացուցիչ ճնշում գործադրել գնի վրա: Արդեն 2026 թվականի օգոստոսի 29-ին շրջանառության մեջ կմտնի ևս 63.9 միլիոն տոկեն (ընդհանուր առաջարկի 6.39%-ը), իսկ նոյեմբերի 29-ին՝ ևս 73.63 միլիոն տոկեն (7.36%):
Գնային սցենարներ և ֆինանսավորում
Քանի որ նախագիծը չի ունեցել հանրային ICO-ի հստակեցված գին, իրական գնագոյացումն տեղի կունենա բորսաներում առևտրի ընթացքում: Ըստ CoinGabbar-ի վերլուծաբանների՝ հնարավոր են զարգացման երեք հիմնական սցենարներ՝
- Անկումային (Bear) սցենար. Աիրդրոպ ստացողների կողմից արագ վաճառքների և օգոստոսյան ապարգելափակման դեպքում գինը կարող է տատանվել $0.05-ից $0.12 սահմաններում:
- Բազային (Base) սցենար. Կայուն առևտրային ծավալների պահպանման դեպքում գինը կկայունանա $0.15-ից $0.30 միջակայքում:
- Աճողական (Bull) սցենար. Ինստիտուցիոնալ մեծ պահանջարկի դեպքում գինը կարող է հասնել $0.40-ից $0.70-ի:
Նախագիծն ընդհանուր առմամբ ներգրավել է մոտ $34 միլիոն ֆինանսավորում, որից $19 միլիոնը ստացվել է 2025 թվականի սեպտեմբերին կայացած Series A փուլում՝ ZKsync Foundation-ի և Further Ventures-ի գլխավորությամբ: