«Մանչեսթեր Սիթիի» գլխավոր մարզիչ Պեպ Գվարդիոլան կիսվել է Անգլիայի Պրեմիեր լիգայի 38-րդ տուրի՝ «Վեսթ Հեմի» դեմ խաղի սպասելիքներով։ Հաղթանակի դեպքում «քաղաքաբնակները» կդառնան չեմպիոն։
«Ֆուտբոլիստները շատ կենտրոնացած կլինեն: Բոլորը գիտեն, թե ինչի համար ենք մենք այսօր խաղում։ Մեզանից ոչ ոք 4 անգամ առաջնությունն անընդմեջ հաղթելու հնարավորություն չի ունենա, դա անհնար է։
Սա երբեք չի կրկնվի մեր կյանքում: Մենք պետք է դա վայելենք»,- մասնագետի խոսքերն է մեջբերում The Telegraph-ը։
«Մանչեսթեր Սիթի»-«Վեսթ Հեմ» հանդիպումը կկայանա մայիսի 19-ին։