fbpx
Առողջապահություն

Հայաստանում ձևավորվելու է բուժծառայությունների որակի նոր մշակույթ

Առողջապահական ծառայությունների որակի բարելավման ուղղությամբ վերջին տարիներին կատարված աշխատանքները նոր փուլ են մտնում:

Պացիենտի կարիքներին միտված, ժամանակին տրամադրվող, ծախսարդյունավետ բուժծառայություն. սրանք են որակի բարեփոխումների պարտադիր բաղադրիչները:

«Քայլ առ քայլ, ծրագրային բարեփոխումների արդյունքում ունենալու ենք համակարգային բարեփոխումներ, և ես վստահ եմ, որ դա իրագործվելու է հենց այս ռազմավարական ծրագրի շնորհիվ: Նպատակն է նախորդ տարիների ընթացքում իրականացված առանձին միջոցառումների փոխարեն մշակել բոլոր բժշկական կազմակերպությունների համար մեկ միասնական` համահունչ գործողությունների ծրագիր, ինչը կնպաստի ծառայությունների որակի համընդհանուր բարելավմանը: Որակի ցուցանիշները շատ ծավալուն են, բայց մենք առաջիկա տարիների համար թիրախավորել ենք իրագործելի, հասանելի նպատակներ»,-ողջունելով աշխատաժողովի մասնակիցներին` նշել է առողջապահության նախարար Անահիտ Ավանեսյանը:

Ռազմավարության նախագիծը մշակվել է Ասիական զարգացման բանկի տեխնիկական աջակցությամբ: Համաշխարհային բանկի աջակցությամբ կորեական HIRA (Health Insurance Review & Assessment Service) կազմակերպությունը նախագծի մշակման համար տրամադրվել է խորհրդատվություն:

«Որակը առողջապահության կարևորագույն տարրերից է: Ծառայությունների հասանելիությունն արդյունավետ է միայն այն պարագայում, երբ համադրվում է որակյալ, պացիենտակենտրոն, անվտանգ և արդյունավետ ծառայությունների հետ, ուստի շատ եմ կարևորում սույն ռազմավարության ընդունումը և դրա հետագա իրագործումը»,-նշել է ԱԶԲ Հայաստանի մշտական առաքելության տնօրեն Պաոլո Սպանտիգատին:

Հայաստանում Առողջապահության համաշխարհային կազմակերպության հատուկ ներկայացուցիչ Ժիհան Թաուիլան իր խոսքում ընդգծել է, որ առողջապահական կարիքներին համապատասխանող ծառայությունների մատուցումը յուրաքանչյուր երկրի կայուն զարգացման հիմքում են, ինչը հաշվի առնելով` ԱՀԿ-ն իր աջակցությունն է ցույց տալիս Հայաստանին նախատեսվող բարեփոխումների հարցում:

Աշխատաժողովի ընթացքում լրագրողների հետ զրույցի ժամանակ նախարար Անահիտ Ավանեսյանը հատկանշել է` ամեն ինչ արվելու է, որ այս ռազմավարությունը կյանքի կոչվի և չմնա զուտ «երազանք»:

ԱՄԵՆԱԴԻՏՎԱԾՆԵՐԸ

ՎԵՐ