«Ինտերի» գլխավոր մարզիչ Անտոնիո Կոնտեն մեկնաբանել է իր թիմի պարտությունը «Բարսելոնայի» հետ խաղում (1-2), որն անցկացվում էր Չեմպիոնների Լիգայի խմբային փուլի 6-րդ տուրի շրջանակներում։
«Այս հանդիպումը հաղթելու շանսեր ունեինք, ստեղծեցինք մի քանի հնարավորություն, բայց մենք բավարար սառնասրտություն չունեինք դրանք օգտագործելու համար:
Ես բողոքելու տեղ չունեմ, քանի որ իմ խաղացողները տվել են իրենց ամբողջ ուժը: Մեզ պետք էր միայն գոլ խփել:
Ցավալի էր Անսու Ֆատիի գոլը դիտելը: Նա պարզապես սպանեց մեզ: Սա հիասթափեցնող է», – ասել է Կոնտեն:
Հիշեցնենք, որ «Բարսայի» հաղթական գոլը խփել է 17-ամյա Ֆատին։
Հավելենք նաև, որ «Ինտերը» խմբում գրավեց 3-րդ հորիզոնականը ու հանդես կգա Եվրոպա Լիգայի փլեյ-օֆֆում։
ԽՈՐՀՈւՐԴ Է ՏՐՎՈւՄ ԿԱՐԴԱԼ
