Ռուսական Caviar ընկերությունը, որը հայտնի է բջջային սարքերի իր շքեղ տարբերակներով, ներկայացրել է սմարթֆոնների նոր հավաքածու՝ նվիրված Ջոն Ուիկի կերպարին, ում համանուն ֆիլմերում մարմնավորում էր Կիանու Ռիվսը։ Այս հավաքածուն ներկայացնում է երեք դիզայն՝ և՛ iPhone 14 Pro-ի, և՛ գալիք iPhone 15 Pro-ի համար:
Այս շարքի առաջատար մոդելը՝ iPhone 15 JW Baba Yaga-ն, կրում է դիցաբանության հայտնի հերոսուհու անունը և ընդգծում է կերպարի ուժն ու անտեսանելիությունը։ Հեռախոսի պատյանը պատրաստված է տիտանից, իսկ հետևի վահանակը զարդարված է Ջոն Ուիկի փորագրված դիմանկարով, որը շրջապատված է տիտանի լուսապսակով։ iPhone 14 Pro Max-ում Wick-ի աչքերը լուսավորված են հատուկ դիոդներով։
Հավաքածուն ներառում է նաև iPhone 15 Bounty Hunter մոդելը՝ տիտանե պատյանով, լազերային փորագրված Continental մետաղադրամով, և iPhone 15 Pro Viper-ը՝ նմանատիպ պատյանով, բայց TTI JW4 Pit Viper ատրճանակով ռելիեֆով ոսկե դետալներով։
Նոր հավաքածուի սմարթֆոնների արժեքը տատանվում է 439-ից 634 000 ռուբլի, ինչը մոտավորապես կազմում է 4500-6500 դոլար։ Թեև վաճառքի մեկնարկի ամսաթիվը չի հաղորդվում, հայտնի է, որ գնորդները, բացի եզակի սմարթֆոններից, կստանան նաև 24 կարատանոց ոսկուց պատված Continental մետաղադրամ։
