Ճապոնիան սեռական հարաբերությունների համաձայնության տարիքը 13-ից բարձրացրել է 16-ի, հայտնում է The Japan Times-ը։
Ճապոնիայում որոշել են բարձրացնել սեռական հարաբերությունների համաձայնության տարիքը սեռական հանցագործությունների վերաբերյալ օրենսդրության բարեփոխումներից հետո։ Նորամուծությունը հուշում է, որ 16 տարեկանից ցածր դեռահասների հետ սեքսը կդիտվի որպես բռնաբարություն։ Օրենքի նախագիծը պարունակում է դեպքերի օրինակների ցանկ, որոնց դեպքում պետք է քրեական գործեր հարուցվեն։
Այժմ այն մարդկանց, ովքեր վախեցնում են, գայթակղում կամ գումար են առաջարկում 16 տարեկանից ցածր երեխաների հետ սեռական հարաբերություն ունենալու համար, կսպառնա մինչև մեկ տարվա ազատազրկում կամ 500 հազար իեն տուգանք:
Հիշեցնենք, որ մինչ այս զարգացած երկրների շարքում Ճապոնիան ուներ ամենացածր համաձայնության տարիքը՝ 13 տարի: Այսպիսով, Գերմանիայում և Իտալիայում համաձայնության տարիքը 14 տարեկան է, Ֆրանսիայում՝ 15, Մեծ Բրիտանիայում և ԱՄՆ նահանգների մեծ մասում՝ 16, Ռուսաստանում՝ նույնպես 16 տարեկան։ Ճապոնիայում 13 տարեկանից սեռական համաձայնության մասին օրենքն ընդունվել է 1907 թվականին և գործում է մինչ օրս։
