«Չելսին» պատրաստվում է շարունակել համագործակցությունը պաշտպան Տիագո Սիլվայի հետ:
38-ամյա ֆուտբոլիստի պայմանագիրը հաշվարկված է մինչեւ 2022/23 մրցաշրջանի ավարտը։ Ինչպես հայտնում է The Times-ը, լոնդոնցիները մտադիր են բրազիլացուն նոր պայմանագիր առաջարկել։
Ենթադրվում է, որ ակումբի գլխավոր մարզիչ Գրեհեմ Փոթերը և ակումբի ղեկավարությունը տպավորված են Սիլվայի վերաբերմունքից և իր խաղի մակարդակից։
Այս մրցաշրջանում պաշտպանը Պրեմիեր լիգայում անցկացրել է 18 հանդիպում և կատարել 2 գոլային փոխանցում։