fbpx
Աշխարհ
11:17 10/02/2020

Չինաստանում կորոնավիրուսի զոհերի թիվը անցել է 900-ը

Չինաստանում նոր տեսակի կորոնավիրուսի հետևանքով զոհերի թիվը անցել է 900-ը: Այս մասին տեղեկացնում է DXY.cn-ը:

Աղբյուրի փոխանցմամբ՝ ընդհանուր առմամբ Չինաստանում այս վարակի հետևանքով զոհվել է 908 մարդ: Վարակվածների թիվը անցնում է 40.1 հազարը: Բուժվել է 3281 մարդ:

Ավելի վաղ հայտնել էինք, որ Հոնկոնգում ընտանիքի 9 անդամ նոր տեսակի կորոնավիրուսով են վարակվել, երբ անցյալ ամիս ռեստորանում օգտվել են տաք, շոգեխաշված ուտեստից:

Կիրակի Հոնկոնգի առողջապահության ոլորտի ներկայացուցիչները հայտնել են, որ ընտանիքը ռեստորան է այցելել հունվարի վերջին: 24-ամյա երիտասարդը և իր 91-ամյա տատը առաջինն են կորոնավիրուսով վարակվել, հետո երիտասարդի ծնողները, զարմիկներն ու մորաքույրները:

ՎԵՐՋԻՆ ԼՈւՐԵՐ

Վերեվ