Չինաստանի պետական հաստատությունները, ընկերությունները և մասնավոր անձինք 2018 թվականին ենթարկվել են ամենամեծ թվով հաքերային գրոհների, հայտնել են Չինաստանի Կենտրոնական հեռուստատեսությունից:
Իշխանություններն ամեն օր ուղղորդված ավելորդ թրաֆիկը գեներացնելու միջինը 800 մլն փորձ են գրանցել։
Պեկինի Knownsec Information Technology ընկերության տվյալներով՝ Չինաստանում ցանցային կոտրումների ամենամեծ թվաքանակը բաժին է ընկել անցած տարվա օգոստոսին, երբ երկիրն օրական ավելի քան 4,9 մլրդ կիբեգրոհի է ենթարկվել՝ սերվերները խափանելու նպատակով։ Փորձերի մեծ մասը նախաձեռնվել է կառավարական կայքերի դեմ, որոնցում պահվում է արժեքավոր տեղեկատվություն, ինչպես նաեւ ֆինանսական սեկտորի ձեռնարկությունների, մշակութային եւ ժամանցային ընկերությունների դեմ։
Անցկացված վերլուծության համաձայն՝ ցանցային գրոհների 97 տոկոսը նախաձեռնվել է մայրցամաքային Չինաստանի տարածքից, մնացած 3 տոկոսը՝ արտասահմանից։ Բացահայտված օրինաչափությունից հետևում է, որ չինական հաքերները նախընտրում են գործել աշխատանքային օրերին, քանի որ շաբաթվա վերջին՝ հանգստյան օրերին, նրանց ակտիվությունը շատ ավելի ցածր է։
