Հուլիսի 22-ին, ժամը 22:15-ին «911» ծառայությանն ահազանգ է ստացվել, որ Արագածոտնի մարզի Թթուջուր և Չքնաղ գյուղերի դաշտամիջյան հատվածում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ խոտհնձիչ տրակտորը (վարորդ՝ Զ.Ա., ծնված 1983 թ.) դուրս է եկել ճանապարհի երթևեկելի հատվածից և շրջվել ձորակը (մոտ 3 մ):
Մինչ փրկարարների՝ կանչի վայր հասնելը տուժածներից մեկը (ուղևոր՝ Խ.Ե., ծնված 1996 թ.) ավտոմեքենայից դուրս է բերվել քաղաքացիների ուժերով և հոսպիտալացվել Ապարանի ԲԿ:
Փրկարարները տրակտորից դուրս են բերել արգելափակված վարորդին և տեղափոխել Ապարանի ԲԿ: Բժիշկները տուժածների առողջական վիճակը գնահատել են միջին ծանրության:
Այս մասին տեղեկացնում են ՀՀ ԱԻՆ պաշտոնական կայքից։