Երևանի ընդհանուր իրավասության դատարանը դատավոր Մնացական Մարտիրոսյանի, ընդունել է Դավիթ Գալստայնին կալանավորելու վերաբերյալ ԱԱԾ-ի միջնորդությունը։
Հիշեցնենք, որ Դավիթ Գալստյանը մեղադրվում է խոշոր չափերի գումար հափշտակելու դիտավորության մեջ։ Ինչպես հայտնում է ԱԱԾ-ն արտերկրում գրանցված ընկերության խորհրդի նախագահը, նույն ընկերության տնօրենի հետ միասին կնքել են պայմանագիր ՀՀ պաշտպանության նախարարության հետ։ Ըստ այդ պայմանագրի, Դավիթ Գալստյանը և նույն ընկերության տնօրեն Ա․ Բ․-ն պարտավորվել են ՀՀ ԶՈՒ ԳՇ-ի համար մատակարարել 1983-1986 թվականների արտադրության հրանոթի համապատասխան տրամաչափի կրակոցներ։ Սակայն Հայաստան մատակարարվել է տվյալ առարկային չհամապատասխանող այլ գույք։ Հարկ է նշել նաև, որ Դավիթ Գալստյանն ու Ա․Բ․-ն հրաժարվում են իրենց նկատմամաբ առաջադրված մեղադրանքը։
