ԱՄՆ Հիվանդությունների վերահսկման և կանխարգելման կենտրոնի կողմից նախապատրաստված սննդային զեկույցի համաձայն՝ ԱՄՆ բնակչության 10 տոկոսը վիտամինների պակաս ունի, ինչը կարող է լրջորեն ազդել ընդհանուր առողջության և ինքնազգացողության վրա: «Վիտամինները կարևոր են մեր առողջության համար, և յուրաքանչյուր վիտամին եզակի դեր է խաղում օրգանիզմի ճիշտ աշխատանքի պահպանման գործում»,- Eat This, Not That!-ին պատմել է Clearing ընկերության գլխավոր բժշկական տնօրեն Յակոբ Հասկալովիչին։
Մասնագետը նշել է, որ նրանք, ովքեր բավարար քանակությամբ կենդանական մթերքներ կամ գունավոր բանջարեղեն չեն ուտում, կարող են վիտամին A-ի պակաս ունենալ, որը կարևոր է ոսկորների, ատամների, մաշկի և տեսողության համար։ Անբավարարությունը կարող է դրսևորվել տեսողության խնդիրներ կամ մաշկի գրգռվածության տեսքով: Ձկան լյարդի յուղը, գազարը և քաղցր կարտոֆիլը վիտամին A-ի աղբյուրներ են:
«Վիտամին B12-ը, որը կարևոր է արյան և նյարդային բջիջների համար, ևս մի տարածված դեֆիցիտ է, հատկապես՝ բուսակերների շրջանում, քանի որ այս վիտամինը պարունակվում է ձկների, շատ մսի և կաթնամթերքի մեջ: Վիտամին B12-ը կարևոր է նյարդերի առողջության համար. ցածր մակարդակը կարող է ծայրամասային նյարդաբանություն, հավասարակշռության խնդիրներ և, ծանր դեպքերում, հիշողության խանգարում առաջացնել: Դուք կարող եք վիտամին B12 հավելումներ ընդունել, իսկ շատ մուլտիվիտամիններ B12 են պարունակում»,- բացատրել է Յակոբ Հասկալովիչին։
Նա նաև նշել է, որ շատերը վիտամին D-ի պակաս ունեն, ինչը նշանակում է, որ նրանք բավարար քանակությամբ արևի լույս չեն ստանում կամ այս կարևոր վիտամինով հարուստ բավարար սնունդ չես ընդունում։
Վիտամին D-ի պակասը կարող է փխրուն ոսկորների, օստեոպորոզի և ավելի հաճախակի կոտրվածքների հանգեցնել: Վիտամին D-ի կարևոր աղբյուր է սնունդը, այդ թվում՝ թունան, ձվի դեղնուցը, յոգուրտը, կաթնամթերքը, հարստացված հացահատիկը, հում սունկը կամ նարնջի հյութը։ Կարող եք նաև վիտամին D-ով հավելումներ ընդունել:
«Ֆոլաթթվի պակասը կարող է անեմիայի հանգեցնել,- ասել է դոկտոր Հասկալովիչին: – Ֆոլաթթվի անբավարարության պատճառը կարող է հղիությունը, չափից շատ ալկոհոլ օգտագործումը կամ տերևավոր կանաչու և այլ բնական մթերքների բացակայությունը լինել : Գլխացավերը, հոգնածությունը, զնգոցը ականջներում և էներգիայի կորուստը կարող են ֆոլաթթվի անբավարարության պոտենցիալ նշաններ լինել»: