«Բարսելոնայի» գլխավոր մարզիչ Չավին Իսպանիայի առաջնության 36-րդ տուրում «Սելտային» (3:1) հաղթելուց հետո խոսել է ֆրանսիացի վինգեր Ուսման Դեմբելեի մասին՝ գովաբանելով նրան։ Նա 2 ասիստ է կատարել այդ խաղում:
«Դեմբելե՞ն. Տարբերություն ստեղծելու համար պետք է ավելին անել, քան պարզապես գոլ խփել: Առաջին գոլի դրվագում Ուսմանը գործնականում ամեն ինչ արեց, ապա ևս մեկ ասիստ կատարեց Օբային: Դեմբելեն կարևոր ֆուտբոլիստ է մեզ համար»,- Չավիի խոսքն է մեջբերում Barca Universe-ն:
