«Բարսելոնայի» կիսապաշտպան Դենիս Սուարեսի՝ «Արսենալ» տեղափոխությունը խափանվել է:
ESPN-ը հաղորդում է, որ կատալոնական և լոնդոնյան ակումբները չեն կարողացել համաձայնության հասնել ֆուտբոլիստի տեղափոխության պայմանների շուրջ:
«Բարսելոնան» պնդել է, որ վարձակալության պայմանագրում տրանսֆերը գնելու վերաբերյալ պարտադիր կետ լինի, իսկ «Արսենալը» հրաժարվել է այդ պայմանից:
Ընդ որում, ավելի վաղ Դենիս Սուարեսը «զինագործների» գլխավոր մարզիչ Ունայ Էմերիի հետ զրույցում հայտնել է «Արսենալին» միանալու իր ցանկության մասին:
Հիշեցնենք, որ «Բարսելոնան» Դենիս Սուարեսին հանել էր «Սևիլիայի» դեմ գավաթային խաղի հայտացուցակից:
Հավելենք՝ 25-ամյա ֆուտբոլիստն Իսպանիայի ընթացիկ առաջնությունում մասնակցել է ընդամենը 2 հանդիպման և արդյունավետ գործողություններով աչքի չի ընկել:
