Դիետայի ընթացքում մոտիվացված մնալու համար հարկավոր է նկատել նույնիսկ փոքր առաջընթացը և գովել ինքներդ ձեզ, ասել է դիետոլոգ Մայք Բոլը։ Նա նշել է նիհարելիս ճիշտ ուղու վրա մնալու ուղիները:
Նախ Բոլն առաջարկել է, որ նիհարողները պետք է հիմնական նպատակը՝ նիհարել, բաժանեն փոքրերի և գրի առնեն առաջադրանքները։ Դրանցից յուրաքանչյուրն ավարտելուց հետո կարևոր է նշել, որ առաջադրանքը արված է: Սա, ըստ բժշկի, կօգնի հասնել ցանկալի արդյունքի։ «Նման առաջադրանքի օրինակ կարող է լինել առողջ լանչը կամ խորտիկների քանակի կրճատումը», – բացատրեց նա:
Որպեսզի նկատեք սննդակարգի ընթացքում տեղի ունեցող փոփոխությունները, ոչ թե արժեզրկեք ձեր ձեռքբերումները, սննդաբանն առաջարկում է օրագիր պահել։ Այն ամենը, ինչ թվում է կարևոր, պետք է գրվի դրա մեջ՝ նոր սովորություններ, ձեռքբերումներ սպորտում, կորցրած կիլոգրամներ և նույնիսկ գրամներ։ Բոլը նաև առաջարկել է շփվել ընկերի կամ մարդկանց այն խմբերի հետ, ովքեր նույնպես փորձում են նիհարել: «Նիհարել փորձող ընկեր ունենալը ոչ միայն ձեզ մոտիվացված է պահում և օգնում է ձեզ ավելի քիչ միայնակ զգալ ճանապարհին, այն հարստացնում է ձեր փորձը: Ձեր ընկերը կարող է ձեզ ինչ-որ բան սովորեցնել, օրինակ՝ առողջարար նոր բաղադրատոմս»,- ասել է նա։
ԽՈՐՀՈւՐԴ Է ՏՐՎՈւՄ ԿԱՐԴԱԼ
