«Պարո՛ն Գևորգյան, Դուք այնքան տպավորիչ եք խոսում, որ իսկապես Ձեզ ուզում ենք տեսնել այդ պաշտոնում, բայց Դուք մոռանում եք, որ մինչև այս ամբիոնի մոտ գալը, ներկայանալը, Դուք զբաղեցրել եք և ունեցել եք որոշակի պատասխանատվություն, ունեցել եք որոշակի անցած ճանապարհ, որը մարդիկ ուսումնասիրում են, և ըստ այդմ են գնահատում՝ արդյո՞ք Դուք համապատասխանում եք այս պաշտոնին, թե՞ ոչ», – այս մասին խորհրդարանում ասաց ԼՀԿ խմբակցության պատգամավոր Անի Սամսոնյանը ՏՄՊՊՀ նախագահի պաշտոնում առաջադրված Գեղամ Գևորգյանին
Սամսոնյանը նշեց, որ երբ Գևորգյանը 2016-2018 թթ. եղել է գյուղատնտեսական ծրագրերի իրականացման գրասենյակի տնօրենի պաշտոնակատարը, ապա տնօրենը, ԾԻԳ-ը գործել է ոչ արդյունավետ, ինչի մասին խոսվում է վերահսկիչ պալատի զեկույցում։
Գեղամ Գևորգյանը պատասխանեց, որ Վերահսկիչ պալատը տվել է իր գնահատականները, որոնց վերաբերյալ իրենք էլ տվել են իրենց պարզաբանումները։ Իսկ Համաշխարհային բանկի գնահատմամբ, ըստ Գևորգյանի, այդ ԾԻԳ-ի ծրագրերից մեկը ճանաչվել է տարածաշրջանում լավագույնը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
