Երեկ հայտնի դարձավ, որ Ադրբեջանը ազատ է արձակել հայ գերիներից 15-ին, որոնք արդեն Հայաստանում են։ ՀՀ-ն էլ իր հերթին Ադրբեջանին էր փոխանցել ականապատ տարածքների քարտեզ։ Նիկոլ Փաշինյանը սա բնութագրեց ոչ թե գերիների փոխանակում քարտեզ հետ, այլ դրական քայլ՝ ի պատասխան դրական քայլի։
Այս իրադարձությանը Twitter-ի իր էջում անդրադարձել է նաև ԵԱՀԿ գործող նախագահ Անն Լինդեն։
Նա ողջունել է 15 հայ գերիների վերադարձն ու ինֆորմացիայի փոխանցումը, որը կօգնի ականազերծմանը։
Լինդեի խոսքով՝ վստահության այդ միջոցները օգնում են ստեղծել մթնոլորտ՝ ԵԱՀԿ Մինսկի խմբի համանախագության հովանու ներքո բանակցությունների համար։
Նա նշել է, որ ուրախ է աշխատել Վրաստանի, ԱՄՆ-ի ու ԵՄ-ի հետ։
Welcome return of 15 detainees to 🇦🇲 today & handover to 🇦🇿 of info that will facilitate demining. Shows value of @OSCE and #OSCES2021SWE. These confidence building measures can help create atmosphere for talks under auspices of Minsk Co-Chairs. Happy to work with 🇬🇪 🇺🇸 🇪🇺.
— Ann Linde (@AnnLinde) June 12, 2021
