Թուրքիան պահպանում է Եվրոպական միությանը լիիրավ անդամակցության հակվածությունը՝ չնայած նրան, որ Բրյուսելը չի իրականացրել իր խոստումները: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ անդրադառնալով Եվրահանձնաժողովի զեկույցին, որում Թուրքիային քննադատում են երկրում դատական եւ տնտեսական իրավիճակի համար։ Այս մասին հաղորդում է Reuters-ը:
Հայտարարելով Անկարայում դատական մի շարք բարեփոխումների մասին՝ Էրդողանն ասել է, որ դրանք փաստացի կարգելեն միայն կայքերի «խնդրահարույց» հատվածները՝ ամբողջությամբ արգելելու փոխարեն:
Էրդողանը նաեւ ասել է, որ Թուրքիան մնում է հավատարիմ իր «զրոյական հանդուրժողականության» քաղաքականությանը:
Վերոնշյալ զեկույցում ասվում է, որ Թուրքիան նախկինի պես անջատվում է Եվրամիությունից, ինչի կապակցությամբ անդամակցության մասին բանակցությունները փակուղի են մտել:
«Բանակցային գործընթացի ոչ մի հետագա գլուխ չի կարող դիտարկվել գործընթացի բացման կամ փակմա համար»,- նշվում է զեկույցում:
Թուրքիան, որը 1964 թվականից ԵՄ ասոցացված անդամ է, անդամակցության հայտ էր ներկայացրել 1987 թվականից: Բանակցային գործընթացը սկսվել էր 2005 թվականի հոկտեմբերի 3-ից: Անդամակցության համար Թուրքիան պետք է ավարտի Եվրահանձնաժողովի հետ 35 կետերից 33-ի շուրջ բանակցությունները:
ԽՈՐՀՈւՐԴ Է ՏՐՎՈւՄ ԿԱՐԴԱԼ
